luns, 13 de outubro de 2014

A Web 2.0 para a Orientación Laboral. Reflexión grupal.

 

 

Dende o inicio do curso fómonos metendo de cheo nun mundo virtual que non deixa de ser virtual, e que o que máis nos soaba era o de “competencias dixitais” nalgúns casos; neste caso imos facer una valoración de “A Web 2.0 para a Orientación Laboral” levada a cabo o 20 de setembro de xeito presencial.




 

Algo xa coñecíamos, os mails, algo de  Google+, o Facebook, oíamos falar de Twitter que sobre todo o usaban os máis novos e o Whatsapp…, sabíamos que había algo máis pero non todo o que estamos descubrindo. 
  
O primeiro do relatorio xa foron os famosos “chíos”, que daquel paxariño,…a biodiversidade… mundial, real, pero tamén virtual de que podemos seguir, ver e comentar moitas cousas aplicadas ao terreo profesional.

As novas “palabras”, lembrádevos do noso  hashtag   #Orientacióng e non debeu de quedar claro cando fai días, aínda nolo repetía...




 
SITUACIÓN:

Comezou expoñendo Carlos  a situación na que nos atopamos, o mundo no que nos movemos, e como comercial, que tiñamos que crear:

1º.- “Un perfil de talento” - que tiñamos que amosar o noso talento, a nosa traxectoria, e as nosas expectativas dun modo innovador; que unha imaxe vale máis que mil palabras e nos larga de cheo un exemplo dunha  gravación dun Videocurrículum…(Yovijob, ferramenta para videocurrículum) -pero si fai días non queríamos nin subir a foto…-, faite visible, marca a diferencia…e a continuación:

2º.-  Únete a grupos, agrégate a comunidades, date a coñecer…pero si as únicas que coñezo son as comunidades de edificios e non quero que me coñezan,  e ademais cada vez que vamos ás reunións só hai pagos... Polo visto, nas comunidades virtuais obtés beneficios…

3º.- Apps móbiles - coñecer todo o que hai dispoñible dende o móbil, para non deixar escapar oportunidades de emprego: pero si é o móbil o que me persegue, se me indica onde estou a cada momento, e me pregunta continuamente ¿Vive usted en…? ¿Trabaja usted en…?; este verán ata me dicía: “de la playa a su casa le lleva siete minutos”.

4º.- Información oficial - manexar portais oficiais do SPEG, SEPE…..en algo estamos dacordo.

5º.- Información experta - un montón de manuais e blogs, con consellos para todo o mundo e obter un gran éxito: todo o mundo sabemos dar consellos o problema é aplicalos a un mesmo.

Polo tanto, os ORIENTADORES/AS, que temos  que saber “de todo”, debemos poñer orde e manexar novas canles de busca, medios e soportes, medios de relación profesional, novos comportamentos, novos medios de relación profesional, novas ocupacións de perfís e novos recursos na Rede. Pero si todo é novo!. Algúns estarían encantados de estar continuamente con todo novo, indo á moda: ”Tés todo novo para estrear neste outono no Corte Inglés!”.

Ó mesmo tempo de manexar todo, porque somos moi controladores, temos que preocuparnos de desenvolver a nosa propia competencia dixital, elaborar o noso propio blog, crear e construír relacións interprofesionais, explorar a nosa contorna laboral, aprender constantemente e difundir información e transmitir como experiencia: “Está claro polo que estamos aquí”, pero tamén temos que ter chaves, case mestras (porque temos que ter competencias de todo tipo). Porque imos crear artefactos dixitais. “Todo un arte o de ser Orientador!”.

COMPETENCIAS: Emocionais, Relacionais, Aprender a aprender (encántanos),  Xestionar as tarefas e Dominio  das TIC.

  





Estas TIC (Competencias dixitais) son as que nos traen de cabeza a todos:    creación, información, comunicación interpersoal e social, cultura dixital. A actuación responsable nos contornos dixitais, e ¡como non!: coñecemento e dominio das novas tecnoloxías para poder aplicar e adaptarnos a tódalas posibilidades.






Témolo claro, Internet move o mundo,  temos indicadores TIC de todo tipo que nos darán a situación de España no mundo, os niveis por fogares…(en España: Eurobarómetro, ONTSI, Fundación Telefónica, Internet World Stats; incluso a nivel autonómico: OSIMGA e Axenda Dixital de Galicia).



E chegamos ó gran descubrimento do século no 1990: o famoso concepto  http:// evolucionando ata 2004 co acuñamento da nova xeración, a Web 2.0 (hai quen xa fala de 3.0), cuns beneficios claros:



A web como plataforma, o  aproveitamento da intelixencia colectiva, o sistema "Intel inside", o fin do ciclo das actualizacións de software, modelos de programación lixeiros e as experiencias enriquecedoras do usuario (en Orientación Laboral, si se sabe escoitar podemos aprender moito dos demandantes).


E agora, despois de tanta palla, analizaremos os espazos e ferramentas da Web 2.0 que cremos que teñen unha grande aplicación práctica na orientación tanto a nivel persoal como para transmitir os nosos usuarios: Lectores RSS (Nova palabra: Infoxicación -ter moita  información-), Marcadores Sociais (Folksonomia -etiquetar-) e o que máis nos trae de cabeza neste curso: As Redes Sociais,  que nos permiten  unha conversa directa e un intercambio continuo e actualizado de valiosa información para difundir, como Facebook, Pinterest, Linkedin… , isto medra mais rápido que a escuma (Redes Sociais en España 2012).

Ademáis doutras ferramentas para construción de contidos (Wordpress é o mellor editor de blogs), entre outras e outros para o traballo colaborativo en liña (Drive) , ou o almacenamento na nube (Dropbox, Slideshare), creación gráfica (Canva, Picktochart…) e a palabra nova de "curación" de contidos (Storify, Scoopt it…)




En conclusión, debemos intentar utilizar todas estas novas ferramentas para o emprego, transmitir unha nova “mentalidade” (adoptar unha nova postura activa), nova “filosofía” (a “rede” supón un valor clave), e usar esas novas “ferramentas”  que nos axudan a diferenciarnos  a través de, por exemplo: infografías, cartóns de visita dixitais..., saber cómo funcionan as novas aplicacións nas entrevistas de traballo (Skype), ou Vídeo-Currículum.



Aplicar tódalas ferramentas posibles para crear unha Identidade Dixital, Virtual (ata o de agora so coñecíamos o carné de identidade de toda a vida) que proxecta en internet a traxectoria persoal e profesional dunha persoa, e que debemos intentar coidar ó máximo posible  porque hai partes da nosa identidade virtual que  se crea con ou sen a nosa participación e que non podemos controlar; así que coidade a identidade dixital, na Rede todo deixa pegada, aínda que agora a reputación on-line pode suprimirse (Sentencia do Tribunal da UE "Dereito ó olvido en Internet"); iso é como o dito de “Todo se sabe “ e na rede “Lo que se  hace en las Vegas, no se queda en Las Vegas”, polo tanto OS ORIENTADORES TEMOS QUE SABER DE TODO E MÁIS, E SE VOS FIXASTES AO LONGO DO ARTIGO, TODO É NOVO, NOVA, NOVOS, NOVAS… HAI QUE APRENDER  A APRENDER PARA DESPOIS SABER DIFUNDIR E COMPARTIR.




Aquí podedes visualizar o noso storify da sesión:







Grupo INNOVA
 

venres, 10 de outubro de 2014

REFLEXIÓN INDIVIDUAL MÓDULO 1


Reflexión persoal sobre o Marco Conceptual da orientación laboral

 

                  

O longo deste primeiro módulo tratamos diversos aspectos esenciais para a figura do orientador laboral. Especificamente dentro deste módulo abordouse   cinco temas: 


  


En canto a miña reflexión persoal destaco o seguinte:

Do Tema 1 destaco a importancia da contextualización  das políticas de emprego (tanto a nivel estatal, europeo e autonómico) como tamén a organización, estructura e competencias do Servizo Público de Emprego Estatal (SEPE) e do Servizo Público de Emprego de Galicia (SPEG).

A nivel persoal este tema me aportou coñecementos en canto como pode axudar o SPEG ás persoas usuarias, en saber cal é o enfoque da demanda de emprego, como tamén en que consite as Políticas Activas de Emprego.




Do tema 2 dedicouse ó concepto que engloba o mercado de traballo, así como os elementos que a compoñen (oferta e demanda), indicadores (EPA),instrumentos e ferramentas para o seu estudo.
  
As causas, efectos e clases do paro como a explicación de como está o mercado de traballo actual (comportamentos das ocupacións, os novos xacementos de emprego, perfiles profesionais da oferta de emprego, etc) me serviu para comprender a situación do mercado laboral que estamos a vivir actualmente.


Do tema 3 tratamos a estructura da Formación Profesional, os certificados de profesionalidade, as cualificacións e competencias . Desta última recordo moi ben a preguntiña que saiu no exame e me quedou ben gravada:



Recoñezo que este tema non foi o que máis me entusiasmou, pero son consciente que saber que é unha cualificación profesional,ou ter coñecemento de como funciona o certificado de profesionalidade, por exemplo, son aspectos a coñecer por un orientador laboral.  Tamén recoñezo que o apartado de acreditación laboral pola vía da expereiencia me pareceu bastante práctico, xa que hoxe en día moita xente pode elexir esta vía para ampliar competencias.



Do tema 4 se tratou a política social e de emprego na Unión Europea. Un dos temas máis interesantes deste módulo, dende o meu parecer, porque ofrece un gran curtido de posibilidades a todas aquelas persoas que deciden realizar movilidade europea. Como tamén os puntos de información que poden optar estas persoas sobre calquera aspectos que lles interese sobre a Unión Europea.



Por último, do tema 5 destaco a iniciativa emprendedora como forma de acceso ó mercado laboral e o plan de empresa.  Sen embargo, na actualidade non hai moita iniciativa emprendedora, debido a ese sentimento de medo que se viu contaxiado  pola crise. É dicir, non aumenta o número de creación de empresas cando na actualidade  cerran constantemente por que non se poden sustentar.





xoves, 9 de outubro de 2014

Reflexión sobre o marco conceptual - módulo 1


UN PERCORRIDO POLO MARCO CONCEPTUAL DA ORIENTACIÓN LABORAL DO MÓDULO 1






Dentro do tema 1:

A organización, estrutura e competencias do SEPE e do SPEG, unha importante visión dos dous organismos competentes en materia de emprego un en políticas pasivas e o outro nas activas.



- “A política de emprego é o conxunto de actuacións que toman os poderes públicos co obxectivo de alcanzar o pleno emprego ou, cando menos, corrixir os principais desequilibrios do mercado de traballo.”Cando falamos de políticas de emprego estamos a falar de políticas activas e pasivas.

No actual estado de crise, as políticas pasivas cobran un incremento a nivel nacional nunca antes visto na historia da democracia, sería interesante volver a unha unión institucional dentro das competencias a nivel nacional e de comunidades autónomas é necesario sumar esforzos e máxima cooperación evitando no posible a duplicidade de servizos o cidadán.

O marco actual das políticas activas en España.Existe un amplo marco institucional neste ámbito desde o Consello Europeo de Luxemburgo, Consello Europeo de Lisboa, Lei 56/2003, Real Decreto 1542/2011 ( aproba a Estratexia Española de Emprego 2012/2014.) Programa Nacional de Reformas.

Reformas das políticas activas de emprego en España: Lei 35/2010, Real Decreto Lei 1/2011, RDL 3/2011, RDL 3/2012.

Por outra banda, vimos a Estratexia Española de Emprego 2012/214: obxectivos,ámbito e financiamento. O Plan Anual de Reformas de España 2014 ten como obxectivo afondar nas reformas e favorecer a recuperación económica máis a creación de emprego, medidas a adoitar: promover o contrato a tempo parcial, flexibilidade na xestión do tempo de traballo,fomentar o contrato indefinido, coa redución das cotizacións a Seguridade Social, entre outras medidas.

Vimos as medidas que se adoitan para loitar contra o desemprego e as consecuencias sociais da crise:

Estratexia española de Activación para o emprego 2014/2016, a implantación do Plan Nacional de Garantía Xuvenil, financiado por fondos comunitarios.

Fixemos especial fincapé nas políticas activas de emprego, no desemprego xuvenil, na Educación e Formación Dual, o apoio o emprendemento, medidas fiscais, medidas a impulsar o financiamento, a internacionalización. Dentro do Plan Estratéxico de internacionalización da economía española 2014/2015 o cal pretende mellorar a capacidade e a propensión exportadora, diversificar os mercados de destino, incrementar e atraer investimentos de fora, entre outros obxectivos, importantísimo, na miña opinión, crease a Xanela Global do ICEX, instrumento novo on line para facilitar as demandas das empresas e institucións a todos os instrumentos da administración Xeral do Estado relacionados coa internacionalización.

Considero o punto máis interesante do tema posto que quizais a clave do saneamento da economía nacional, desde o meu punto de vista, este na mellora da internacionalización do noso sistema empresarial e o fomento para a necesidade de mellorar este aspecto no noso tecido empresarial. Para aqueles que aínda non se lanzaron e poderían ser grandes empresas en potencia. Os nosos empresarios temen a internacionalización quizais debido a falta de formación adecuada no ámbito directivo, pode que o medo de non ser capaces de dirixir unha gran empresa con todos os inconvenientes que lles traería, pesa moito na toma de iniciativas cara á internacionalización.

Temos a dificultade para a ampliación das empresas por exemplo en todas as trabas burocráticas que aínda dificultan o desenvolvemento do sector industrial, implica a ter uns recursos tanto humanos como en espazo máis amplos que non todos poderían afrontar sen as correspondentes axudas. Estanse a facer cousas moi interesantes e novidosas pero aínda queda moito, como a falta de especialistas na materia.

Debe ser un feito reducir as cargas e a simplificación administrativa.

A Política de Emprego en Europa, a destacar está A Estratexia Europea de Emprego 2020: prioridades, obxectivos e financiamento.



Tema 2:


O mercado de traballo, os indicadores do mercado de traballo, o desemprego, o mercado de traballo actual, as ocupacións, instrumentos e ferramentas para o estudo de mercado, cómo e onde traballar.

Aprendemos importantes conceptos sobre o mercado de traballo, o seu equilibrio, as diferenzas entre a corrente clásica e os keynesianos.

Teño que dicir que non estou de acordo coa corrente clásica a rixidez dos salarios non son a causa do paro. Esta teoría mostrase pouco crible a día de hoxe, fai falta novas achegas a economía e inclúe novas ideas e novos pensamentos, vimos que as causas do paro van máis alá de esta teoría.

En canto as axudas e subvencións a contratación e á creación de emprego, paréceme converter o mercado de traballo nun mercado lucrativo do emprego. Merece a pena valorar hasta qué punto foron eficaces este tipo de bonificacións e si non se rompeu a igualdade de oportunidades no acceso o emprego.

“O dereito o traballo é o dereito fundamental humano polo que toda persoa ten dereito, a libre elección do mesmo, a condicións iguais e satisfactorias do traballo, a protección contra o desemprego, sen discriminación, con igualdade salarial, remuneración digna, protección social e dereito de sindicación.” artigo 23 da Declaración Universal dos Dereitos Humanos.


No tema 3:


Vimos a certificación e cualificación profesional diferenzas entre o concepto; cualificación profesional e competencia profesional. O Catalogo Nacional de Cualificacións Profesionais. O Marco Europeo das cualificacións, o EQF (European Qualifications Framework) vimos que é o marco de referencia para os diferentes países en canto os certificados de cualificacións. En Galicia temos de referente o Instituto Galego das Cualificacións, instrumento fundamental e indispensable no traballo dun técnico de emprego., este a súa vez conta cun observatorio cunha base de datos para promover a cooperación do resto de observatorios territoriais e proporcionar información sobre a evolución da oferta e demanda..O instrumento de acreditación oficial das cualificacións profesionais do CNCP son os certificados de profesionalidade. Referente que certifica a experiencia, a formación profesional para o emprego e a formación profesional inicial.

Indispensables os links facilitados polos titores neste tema os cales é necesario coñecer e fundamental saber manexar, saber extraer un informe por exemplo, ca información que nos achegan. Quédome sen dúbida algunha con este apartado, o da bibliografía. Na miña experiencia como orientadora laboral, fóronme ferramentas moi útiles.


No tema 4:


A política social e de emprego da Unión Europea. Os obxectivos de esta política son o crecemento do emprego, a calidade do mesmo, as condicións de traballo, a mobilidade (referencia a libre circulación dos traballadores), información e consulta os traballadores, a loita contra a pobreza e a exclusión social, a igualdade de xénero e a modernización dos sistemas de protección social.

A Estratexia Europa 2020 sostén un crecemento intelixente, sostible e inclusivo (novas capacidades para novos empregos).

O FEAG e o FSE e as súas diferenzas o primeiro proporciona axudas individuais e de duración limitada os traballadores que perderon o emprego, non financia medidas pasivas de protección social. O segundo adopta unha postura máis estratéxica a longo prazo, aposta polo aprendizaxe permanente.

Como reflexión desde o punto de vista social creo que a segmentación dos mercados de traballo europeos fan que unha parte importante da poboación ocupada esté en condicións precarias ben pola temporalidade do contrato, pola súa parcialidade ou pola baixa remuneración do traballo. Trátase de colectivos atrapados na sucesión de empregos a corto prazo e de calidade mediocre, unha parte importante do emprego adoece de potencial de integración que unido a factores socio-demográficos e institucionais aumentan o risco de exclusión social.


Respecto do tema 5:


A iniciativa emprendedora como forma de acceso o mercado laboral puidemos estudar o emprendemento cos seus beneficios e as súas inconveniencias, cáles son os elementos esenciais para crear unha empresa e por último e sumamente importante no máis amplo sentido da orientación o contido dun plan de empresa.

Segundo o informe do Libro Blanco del Emprendedor, a pregunta de por qué en España non se emprende --“Los principales condicionantes a la hora de tomar la decisión de no emprender en España son el miedo al fracaso y la aversión al riesgo” sumaría a mala imaxe que se ten do autoempleo. O estudo compara a poboación dos Estados Unidos e da un dato que o resume todo, en España asumiría o risco un 12% fronte a un 39% en USA. Importante fomentar o emprendemento pero desde a formación no sistema educativo e interacción dos alumnos con emprendedores locais. Aprender a ser emprendedores.

É necesario o financiamento novas fontes de financiamento o chamado “business angels” ou inversores próximos, un individuo próspero que prové de capital para un start-up, usualmente a cambio de participación accionaría, startup, fai referencia a ideas de negocios que están empezando ou están en construción, é dicir, son empresas emerxentes apoiadas en tecnoloxía. Son ideas que innovan ó mercado. O negocio dos business angels, é apostar por pequenas inversións en varias compañías start-up, manifestando que existe unha probabilidade moi alta de que algúns dos negocios se desmarque do resto e poida desenvolverse con éxito.

Nesta tarefa, non pretendo facer un resumo do temario, senón facer un percorrido por los temas e subliñar aqueles puntos que máis me chamaron a atención pola súa importancia ou pola repercusión que están a ter nestes momentos de crise económica e de desemprego.








mércores, 8 de outubro de 2014

Marco conceptual

MARCO CONCEPTUAL

REFLEXIÓN

Na miña desesperación por entender como funciona o mundo laboral de hoxe, decidín facer este curso, aconsellada pola miña orientadora. Estou segura de que o finalizar  poderei  manexar novos conceptos, ferramentas, tendencias etc e de esa maneira  tamén poderei desenvolverme mellor,  coñecer novas maneiras de buscar traballo, novas ferramentas  e novos postos de traballo.

Como para min é todo novo aprendín entre outras cousas como funciona o SEPE e o SPEG que realmente foi proveitoso , os demais conceptos relativos a Europa vinos como máis lonxanos, con relación os anteriores gustaríame que al menos tiveran acceso e compartiran a información  que ambos teñes sobre as personas  inscritas.

Outro tema  realmente interesante foi o que me explicou as causas do paro en España, totalmente novedoso e descoñecido para min. Interesoume moito coñecer e debatir esas duas posturas polas que pasaría a solución do paro, ver os pros e os contras de cada unha e poder así sacar unha conclusión inda que penso que non é un tema para concluir a lixeira e necesitariamos coñecementos moito mais profundos da materia para poder opinar. En principio pareceme mais viable a Keynesiana pero en fin....



Sobre a certificación e formación profesional: teño cousas que decir. Comentábame un amigo, que xa pasou a época do “titulismo e chegou a do saber facer”, paréceme realmente magnífico pero entón pregúntome: por qué desde os Ministerios están empeñados en regalar titulos?, Por qué os AFD teñen tan pouca calidad e son sempre aprobados xerales? Si realmente os queren equiparar os ciclos  deberían ter outra calidade e de esa maneira ganaríanse un prestixio que de esta  non teñen. Por qué a formación bonificada e un fraude? Os cursos teñen un coste minimo de 420 euros que casualmete coincide co mínimo que calquer autónomo ou empresario ten por ter un traballador asalariado. Como formadora que son esto paréceme triste e espeluznante, xa que no nos olvidemos de que estamos usando diñeiro público. Penso que hai que respetar muchísimo cando usamos algo que é de todos.

Eu estou facendo un AFD, porque lóxicamente quero reciclarme pero sinceramente non os vexo con salidas laborales porque non teñen prestixio, tan só é unha maneira  de poder demostrar que realmente estou aproveitando o tempo e indudablemente de aprender.

No me gusta facer críticas cando non son constructivas e desgraciadamente eu non podo aportar nada para mellorar estas deficiencias, tan só estou dando a miña opinión vista do outro lado, botando de menos unha formación de calidade.

A iniciativa emprendeora é moi interesante, sería moito mais viable si se puideran dar as condicions de financiacion e perderamos ese medo o fracaso no que fomos educados tanto desde a escola como desde a propia casa. pero dende logo manexar coñecemento sobre subvencion, estudios de mercado, ferramentas etc é moi valioso.

Do que si estou segura e de que quero coñecer todo canto me sea posible sobre orientación, quero aproveitar este curso que estou facendo con  bastantes sacrificos, teño moitas esperanzas postas en él  para al menos sentirme unha persona capaz de desenvolverme no mundo laboral actual.

Con respecto a Europa , trata de asimilar esa cantidad de información e conceptos que se me esquencen en dous días pero vexo que todo vai enfocado hacia os menores de 30 anos, sobre todo os “NINIS “que realmente no estudiaron porque no quixeron, e mais que víctimas dunha burbuja foron víctimas de unha endeble educación por parde dos propios proxenitores,  fronte os que xa pasamos de esa idade, que estudiamos superando moitas dificultades. Non temos ahora ningún dereito?

Sexa como sexa hai que tirar para adiante  e para eso hai que motivarse, reciclarse e orientarse.


Ahí vos deixo un video (loxicamente sin menospreciar a Emilio Duró que o mais difícil é entendelo) que a min personalmente me axudou nos meus peores momentos, espero  que vosoutros, orientadores  profesionales, tamén  podais axudar a alguén con él.

martes, 7 de outubro de 2014

Marco conceptual para a orientación laboral: a teoría


Despois dun mes dando tumbos entre conceptos abstractos, tecnolóxicos, outros máis tanxibles e moitos deles novos, creo que compre parar un chisco para saber si ando perdido ou aínda podo segui-lo fío.

Andamos a establecer as bases, con diferentes liñas de conceptos, algunhas delas sen aparente relación entre si, que  nos axuden a conformar toda a contorna relativa á orientación laboral. É dicir, qué temos que coñecer, buscar, aprender, aplicar...na nosa labor como orientadores, para enfocarnos ó obxectivo que eu creo fundamental: a inserción laboral e a mellora da empregabilidade das persoas que atendemos.

O mercado de traballo non é que estea para moitas festas. E leva así xa uns cantos anos. Estamos a vivir dúas circunstancias paralelas:

- Por un lado, unha crise global de enorme calado económico, financeiro e, por suposto, laboral. Unha crise que está a cambiar os modelos de funcionamento deses mercados, e con consecuencias directas sobre as persoas.

- Por outro lado, vivimos en permanente evolución/revolución tecnolóxica, coas ferramentas informáticas, de redes e comunicacións cambiando por completo as relacións sociais, facéndonos todos máis globais e creándose interdependencias que é imprescindible coñecer e, na medida do posible controlar e aproveitar no noso beneficio.

Xorden novas profesións...e desaparecen outras. Novos modelos de traballo. Novas formas de comunicación. Faise obrigado reciclarse, desaprender e aprender, innovar, intercambiar coñecementos, contactos, servizos...¡Adaptarse!.
Adaptación, flexibilidade e polivalencia, son probablemente 3 das características máis valoradas actualmente nun traballador ou nun candidato.

Vexamos uns exemplos de novas profesións.

Ilustrativo ¿non?

Pero, ¿qué ferramentas temos para levar a cabo ese cambio?. Non se trata dun cambio coxuntural, se non dun cambio estrutural de todo o sistema: económico, educativo, laboral...un cambio a longo prazo e que non está firmemente determinado nas políticas e medidas que se toman ó respecto, condicionado por factores e intereses económicos, políticos, sociais, etc.

No ámbito das políticas de emprego, as directrices globais veñen marcadas pola Unión Europea, e os países membros teñen que axustarse a elas e adaptalas na medida do posible ás súas circunstancias nacionais e mesmo rexionais.
As medidas para a mellora do emprego, a formación dos traballadores e dos desempregados, as políticas sociais, as axudas, subvencións, programas, becas...derivan das medidas que se toman a nivel europeo para o conxunto dos estados membros da Unión.

Cada vez establécense máis programas a medio prazo para tender a uns obxectivos comúns, outorgando máis axudas ou beneficios ós países ou zonas con maiores necesidades. Preténdese a converxencia. Pero iste obxectivo é para o longo, moi longo prazo.
Cando antes citaba as ferramentas, deixei a pregunta no aire: ¿cales necesitamos para acometer cambios? A maior parte delas establécense nas políticas activas de emprego, dun xeito ou outro. No noso caso, e polo que nos toca directamente como orientadores laborais, vimos nestes días dúas un pouco máis en detalle:

- Os certificados de profesionalidade, no ámbito da formación
- O emprendemento, como alternativa de acceso ó mercado laboral.

Neste post, non me vou estender coa explicación detallada sobre en que consisten, non é o meu propósito. Pero si comentar brevemente o meu punto de vista.

Os certificados de profesionalidade asúmense como unha necesidade que ven de longo, de cara a homoxeneizar a acreditación profesional, ben pola vía da experiencia profesional ou ben pola vía da formación. Son un instrumento de confluencia entre o ámbito laboral e o formativo, de forma que un traballador poda pasar dun a outro indistintamente e en calquera momento para completar e acreditar a súa formación nun determinado ámbito. Nese aspecto, constitúen un avance de cara a un mellor recoñecemento e a unha homoxeneización respecto a Europa.

En relación ó emprendemento, máis que unha ferramenta, trátase dunha filosofía de traballo, dunha pata mais do banco da economía dun país; as políticas activas de emprego cada vez fan mais fincapé no mesmo como unha das saídas laborais máis importantes e a súa vez, como un dos motores principais das economías nacionais.
Pero para fomentalo, faise necesario: un incremento considerable das axudas e das medidas económicas e fiscais que o favorezan, unha simplificación dos trámites e da burocracia, unha formación axeitada ó emprendedor (dende o ensino obrigatorio) e un asesoramento continuo.
En España, aínda que cada vez hai mais emprendedores, todavía estamos lonxe dos niveis dos países desenvolvidos da nosa contorna, e polo tanto, faise máis necesario incrementar as medidas citadas.

E ¿agora qué? ¿temos as cousas máis claras, a base conceptual para o noso traballo de orientación? Xa veremos...seguimos traballando.

Pablo Bello.

REFLEXIÓN INDIVIDUAL SOBRE MARCO CONCEPTUAL



REFLEXIÓN INDIVIDUAL SOBRE MARCO CONCEPTUAL

Recoñezco de principio que estos non foron bos días para min e que transmitir estas verbas me resulta complicado, pero como sempre digo que as desculpas non valen para nada….

RECOÑEZCO  que a idea de matricularme neste curso foi unha decisión difícil de tomar.

RECOÑEZCO que cando me chegou a notificación a través da plataforma que usamos nos centros colaboradores estaba endiablada xa que acaba de rematar un Posgrado e outro curso mais do que acaba de examinarme, e  co que xa lles roubara todo o verán á miña familia.

RECOÑEZCO que valorei moitos aspectos persoais ( eso de levantarme tódolos días ás 6 da mañá, chegar á casa  pasadas as catro da tarde, atender á familia, participar en actividades escolares,deportivas-ir ver xogar ó meu fillo os sábados, ir ó cine algún fin de semana, as charlas motivadoras e despistadoras coa miña tía e familia loitando coa enfermidade…….  e laborales( na administración nunca se valora o esforzo das persoas) e que prometera á miña familia que ata dentro duns meses non volvería  facer outro curso porque “á parella e á familia hai que coidala” eso se dixo o sábado na sesión presencial

RECOÑEZCO que me gusta preocuparme,poñerme sempre no lugar de quen atendo e implicarme moito coa atención ós usuarios do meu servizo, e non podía pasar por alto non dominar tódalas ferramentas 2.0 coas que estamos a traballar.

RECOÑEZCO que me gusta formarme continuamente e non perderme nada.

RECOÑEZCO que me matriculei pola insistencia dunha compañeira coa que  traballei no SPEG

E que gracias ó inicio deste curso vou aprender moitas ferramentas e manexar moitos máis  recursos dos que xa facía uso na miña vida profesional diariamente, e por todo iso que a miña motivacion profesional de reciclaxe e adapatabilidade continua do mercado de traballo en tódolos aspectos que se están a tratar no curso me fai valorar positivamente todo o exposto ata o de agora:

VALORO POSTIVAMENTE:Coñecer as Políticas activas de Emprego,A Estratexia Europea de Emprego 2020,as medidas recollidas na Extratexia Española de Emprego, os modelos que funcionan en Europa e se intentan importar  ó noso País, ex: Alemania - Formación DUAL (inda que como galega ten a súa parte boa de cara a adquisición de experiencia  e formación recoñecida por parte dos xoves, e a súa parte mala porque non deixa de ser man de obra barata para as grandes empresas, inda que  tamén cabe a posibilidade de que as pequenas se asocien por sectores) ,inda que non temos o mesmo tecido industrial polo que ¿Funcionará ou non? , xa se verá ; outro ejemplo:  A implantación do Sistema de Garantía Xuvenil importado dende Finlandia, e que a estes altura da película nin se contrataron os técnicos que van tutorizar e atender ós famosos NINIS ,agora término  recoñecido oficialmente e despectivo dende o meu punto de vista, e nin que decir ten xa o interese que ten España en que funcionen os Programas dirixidos ós xóvenes, http://economia.elpais.com/economia/2014/09/21/actualidad/1411292834_119595.html
no que España por suposto non tiñan a nadie para enviar a Finlandia para ver de maneira práctica como funciona alí ,xa que están acadando o éxito con esta fórmula e non fora ser que de deran conta de maneira presencial que o sistema Finlandés de Educación Regrada non ten nada que ver co noso xa que se implantan desde as garderías, e non como en España resumido no dito popular  de “ desde de la cuna se nace no se hace” 

VALORO POSITIVAMENTE A transmisión práctica do funcionamento da WEB do SPEG, SEPE, das diferentes CONSELLERIAS, e outros organismos tanto por parte dos Orientadores como por parte de adquirir coñecementos e manexar os recursos existentes por parte dos usuarios, do que lle fago unha demostración práctica adaptada  ós diferentes perfís e situación do desempregado.
VALORO POSITIVAMENTE  o coñecemento do mercado de traballo actual,a oferta e a demanda de traballo, o comportamento das ocupacións(as que nacen, desaparecen….), os novos xacementos de emprego , o análisis dos diferentes indicadores do mercado de traballo coas diversas publicacións INE, IGE, Obervatorio Ocupacional, ……..co único obxetivo de mellorar o nivel de empregabilidade .

VALORO POSITIVAMENTE  o camiño iniciado fai uns  anos para que as persoas poidan acreditar o seu coñecemento e bo facer na súa ocupación .
O poder transmitir día a día ós usuarios as vías de acceso e os mecanismos que a maioría descoñecen para a obtención das Competencias Clave e os Certificados Profesionais.
Agradezco a existencia do CNCP e a existencia do Instituto Galego das Cualificacións onde hai xente que comunica, transmite e aporta solucións prácticas , xa que neste tema somos mais ben todos novatos e non é fácil inda que na sesión presencial do curso si apreciei que foi unha exposición magistral de todo o que engloba a formación que non é pouco.

VALORO POSITIVAMENTE  poder transmitir ós usuarios a información respecto das Políticas Sociais e de Emprego da UE xa que coñecía pouco mais que a rede EURES , é existe un libro aberto de moi diversos programs,axudas,becas….   Co obxetivo de mellorar a formación académica e profesional.

VALORO POSITIVAMENTE a amplia exposición sobre a iniciativa emprendedora como forma de acceso ó mercado laboral, porque sei que comprende un amplio mundo con moitos conceptos e moitas variables relacionadas coa cultura emprendedora e non chegaría todo o curso para manexar correctamente o tema, xa que traballei de Técnica de Emprego durante varios anos acompañando na xestación e nacemento de empresas de diferentes actividades económicas; polo que non é tan fácil e non estou para nada dacordo coa campaña que se está a facer  por parte das Administracións Públicas como saída profesional  nun momento de crise como o actual ó emprego por conta propia.
As ideas hai que maduralas, “a froita non se colle de verde, cóllese de madura”,hai  que facer un  tecido empresarial consistente ,e non  que o mínimo soplo de vento e saraiba se desfaga, a cultura emprendedora comeza por transmitirse na Casa e na Escola, iso é o que hai que facer para crecer a Economía dun País e non esas famosas Tarifas Planas de 50 euros de cota á Seguridade Social.
                                                                                                                                            
E por último VALORO  MOI POSITIVAMENTE os “velatorios”,! Perdón  confusión! Relatorios  de D. Carlos Parada  sobre a adquisición das competencias dixitais e todo o referente á Web 2.0 para a orientación laboral , os traballos individuáis e grupais que nos fan estar activos as 24 horas.

Si ó final cando chegue novembro vamos botar de menos estar alerta, xa que vai haber ferramentas que fagan o traballo diario de rastrexo por min .

Polo tanto VALORO  positivamente a clara exposición dos contidos, as fontes de referencia, os recursos externos, a aportación de recursos propios tanto nos traballos grupais, como nos individuáis, a colaboración cos compañeiros, ….... A ADQUISICIÓN DE NOVAS COMPETENCIAS  á medida que avanza o curso, inda que VALORO NEGATIVAMENTE a falta de tempo para por en práctica todo, e xa non quero pensar daquí a novembro con todo o que imos aprender inda .


Avelina Dios Romay

A miña PLE

O meu Entorno Persoal de Aprendizaxe


A primeira vez que oín falar da PLE e do seu concepto en inglés non entendía moi ben a que viña todo iso, e cheguei á conclusión de que unha imaxen vale máis que mil palabras así que dende fai un tempo intentaba facelo con diferentes programas, Canva, Cacoo, ….. rexistreime en Symbaloo e organicei unha parte dos programas e ferramentas coas que traballo habitualmente.

Quedou de repouso na botella a idea de desenvolver a PLE e rexurdiu con forza cando se expuxo por primeira vez fai unhas semás no curso, volvín a buscar información, como non a través de diferentes páxinas e intenteino con varias ferramentas, e a base de facer e desfacer, e como non conseguía o resultado querido manexei a posibilidade de facelo imprimindo,recortando e pegando nun diagrama como se fixo toda a vida.

Pero non podía permitir que a día de hoxe o fixera de forma física para transmitir a miña PLE ó mundo virtual inda que conectado coa realidade.

Pensaba como fai anos elaborábamoslle os Currículums, As Cartas de Presentación……ós usuarios e como facía un Boletín Semanal a modo “collage” en Din A3 para publicar unha revista con Ofertas de emprego que se recortaban da prensa diaria, Axudas, Subvencións, Becas, Artigos con recomendacións para facer unha Búsqueda Activa de Emprego e Formación,…. Repartindo despois polos lugares mais representativos do Concello (sen olvidar os bares) para que a información chegara ós cidadáns.

Todo foi evolucionando e comezamos a manexar a Internet e acceder a un montón de recursos e ferramentas que a día de hoxe nos inundan e que neste curso saberemos encauzar e sobre todo transmitir ós nosos usuarios que son o fin ó cabo o noso obxetivo prioritario de todo o relacionado coa Web 2.0 que tanto engloba.


Polo que rompendo a cachola, facendo e desfacendo, iste é o resultado da miña PLE.